Contact US

Царски рез vs. природен пораѓај 

Кога бременоста ќе заврши, има само една цел - да го „извадите“ бебето. Понекогаш изборот може да биде личен, а понекогаш начинот на породување е резултат на медицинска неопходност. Дознајте важни факти за природно породување и царски рез и кога се препорачува едното, а кога другото. 

Долго очекуваниот пораѓај се ближи. Вознемиреност, возбуда, радост... Многу емоции се измешани. Се прашувате како ќе изгледа вашиот пораѓај? 

Ви ги откриваме клучните разлики што треба да се земат предвид доколку изборот помеѓу двата методи на раѓање ви е достапен. Во овој текст, ќе разговараме за двете опции за раѓање, за периодот на опоравување што секој го бара, како и за потенцијалните ризици и компликации. 

Клучни разлики помеѓу природно породување и царски рез 

Терминот природно раѓање значи вагинално породување, кое може да се случи со или без лекови против болки или дополнителни медицински интервенции (на пример, епизиотомија).

Според статистичките податоци, природното породување обично резултира со пократок престој во болница, помалку инфузии и побрзо закрепнување. Многу жени немаат никаква медицинска интервенција при природно породување, додека за други е неопходна, или самите ја бараат. Постојат следниве можности:

  • индукција на породување 
  • епизиотомија (хируршки рез) - проширување на породилниот канал што му овозможува на бебето да излезе без да ја кине кожата 
  • пукнување на водењакот - го забрзува породувањето 
  • форцепс или вакуум - инструменти кои поддржуваат породување доколку е потребно. 

Царскиот рез е уште една опција за породување. Тоа е хируршка процедура која се изведува кога природно породување не е можно. Царскиот рез може да биде планиран или медицински побаран од лекарот. 

Иако не е толку вообичаено како природно породување, царски рез е неопходен во некои ситуации: 

  • Здравствената состојба на бебето 
  • Положба на бебето - карлична 
  • Повеќеплодна бременост 
  • Проблеми со плацентата 
  • Породувањето не се одвива во очекуваното време 
  • Бебето е големо 
  • Инфекции кај мајката или други здравствени состојби, на пр. висок крвен притисок или дијабетес. 

Доколку веќе сте имале царски рез и повторно сте бремени, вашиот лекар може да препорача природно породување, доколку сте добар кандидат за тоа. Што значи? Тоа значи дека жените кои се изложени на зголемен ризик за руптура на матката не се добри кандидати за природно породување. Ако засекот на вашата матка е низок или висок и вертикален, вашиот лекар веројатно нема да препорача природно породување. Тоа е затоа што таквите засеци го зголемуваат ризикот од руптура на матката. Од друга страна, ниските попречни или странични засеци направени на долниот дел од матката при претходен царски рез носат помал ризик. 

Како изгледа природен пораѓај, а како царски рез?

Природен пораѓај 

Во повеќето случаи природното породување се одвива во болница, породилиште, но може да се направи и дома. Може да се изведе со епидурал, аналгезија која го прекинува чувството на болка во долната половина од телото, односно породилните болки. 

Природното породување има три фази: прва, втора и трета. Првата фаза е повторно поделена на три фази - рана (латентна), активна и преодна. Со преглед и мерење на грлото на матката, медицинската сестра или докторот ќе одредат во која фаза се одвива раѓањето. Кога грлото на матката е проширено за 10 см, првата фаза од породувањето е завршена. 

Тоа е максимумот и време е да се напне. Втората фаза завршува со раѓањето на бебето, а третата кога плацентата се одвојува од ѕидот на матката и излегува низ вагината. 

Царски рез 

Царскиот рез е многу различен од природното раѓање. Генерално, тоа е хируршка интервенција која трае околу 45 минути. Природното породување трае со часови, па дури и денови, целосно во фази. За време на хируршката процедура, лекарот ќе направи еден засек во долниот дел на стомакот и еден во матката за да го извади бебето. 

Кога ќе се роди бебето, лекарот ќе ја пресече папочната врвца, ќе ја отстрани плацентата и ќе ги сошие засеците. Царскиот рез се изведува со епидурална или под општа анестезија. Доколку царскиот рез се прави со епидурална, вие сте свесни цело време и можете донекаде да го следите породувањето и веднаш да го поздравите вашето бебе. Велиме донекаде, бидејќи на половината на родилката е поставена стерилна преграда што го замаглува погледот на хируршката интервенција.  

Дознајте повеќе за важните витамини, минерали и други хранливи материи во бременоста.

Закрепнување од породување 

Периодот кој трае 6 недели по породувањето се смета за период на опоравување. И со причина. Ова е време кога женското тело треба да се опорави од стресот на породувањето. 

Должината и текот на закрепнувањето од природно раѓање зависи од тоа дали самото раѓање вклучувало какви било медицински процедури или евентуални можности. На пример, ако била извршена епизиотомија или перинеумот бил скинат за време на породувањето, заздравувањето и закрепнувањето на раните ќе потрае околу 6 недели. Очекувајте дека најверојатно ќе треба да ги прилагодите вашите дневни активности за да се приспособат на вашето закрепнување поради болка. 

Мајките кои имале природно породување без епизиотомија или руптура на перинеумот се очекува да закрепнат за околу 3 недели. Следствено, повеќето жени доживуваат крварење и оток околу 7 до 14 дена по породувањето. 

Што се однесува до закрепнувањето од царски рез, се смета дека е потребно слично време за закрепнување како од која било друга абдоменална операција. По царски рез, ќе треба да останете во болница 4 до 5 дена по раѓањето. За време на закрепнувањето, може да ви биде предизвик и движењето, а станувањето и враќањето во лежечка положба може да биде многу тешко и болно. Лузната од засекот на почетокот ќе биде болна, а по некое време, како што зараснува раната, ќе почне да чеша. Исто така, благите грчеви и крварење може да траат од 4 до 6 недели. 

По 6 недели од раѓањето се препорачува задолжителна контрола, без разлика дали сте направиле царски рез или природно породување. 

Ризици и компликации 

И двете раѓања носат потенцијални ризици и можни компликации. 

Најчеста компликација на природното породување е кинење на перинеумот или потреба од епизиотомија, која бара шиење. Сето ова бара подолго закрепнување за мајката. Исто така, можните компликации вклучуваат проблеми со контролата на мочниот меур. 

Слично на другите големи хируршки процедури, царскиот рез носи зголемен ризик за инфекција, загуба на крв, формирање на згрутчување, повреда на мочниот меур и цревата и неочекувана реакција на анестезија. 

Создавањето план за раѓање сигурно ќе ви помогне да се чувствувате под контрола додека се подготвувате за големиот ден. Сепак, имајте на ум дека нема секогаш сè да биде точно како што сте планирале. Важно е да разберете која опција е најдобра за вас, дури и ако ситуацијата се промени непосредно пред или за време на самото раѓање. 

На крајот на краиштата, најважна цел е безбедното раѓање на бебето, неговото и вашето здравје и среќно заминување од породилиштето во семејниот дом. Со среќа! 

Дознајте повеќе за важните витамини, минерали и други хранливи материи во бременоста.

 

Извори: 

https://health.clevelandclinic.org/why-you-should-carefully-weigh-c-section-against-a-vaginal-birth/

https://www.healthline.com/health/pregnancy/c-section-vs-natural-birth-2

Последно од блогот

Седми месец бременост

Влегувањето во седмиот месец го означува почетокот на последниот, трет триместар од бременоста. Доколку сè уште не сте, време е да ја подготвите вашата породилна торба. За секој случај. Дознајте што да очекувате во седмиот месец од бременоста.

Шестти месец бременост

Почна последниот месец од вториот триместар од бременоста. Искористете го овој период за патување, одмор и грижа за себе. Ќе влезете во третиот триместар, па многу работи стануваат попредизвикувачки. Дознајте како бебето напредува во шестиот месец од бременоста и кои хранливи материи се важни за правилен развој на видот.

Петти месец бременост

Што прави бебето во стомакот? Верувај ми, тоа сега може многу - ика, голта плодова вода, зева, клоца, удира, пробува различни потези и прави кругови. Вистински мал забавувач!