Contact US

Четврти месец бременост

Повеќе енергија, подобар апетит, без гадење. Звучи добро? Сето ова ве очекува од почетокот на четвртиот месец од бременоста, односно од влегувањето во вториот триместар. Ова е и причината зошто овој период често популарно се нарекува меден месец на бременоста. 

Во четвртиот месец од бременоста, вашето малечко ќе порасне до големина на калинка и ќе тежи околу 140 грама..

Четвртиот месец од бременоста трае од 14. до 17. недела.

Споделете ги радосните вести

Многу идни родители ја објавуваат радосната вест за бременоста дури откако ќе влезат во четвртиот месец. Ако тоа е вашиот план, време е за голема објава. Бебето е на пат! Направете го тоа што е можно поскоро, или вашиот стомак ќе ве изневери.

Грижете се за себе

Време е да се фокусирате на себе и на вашите потреби. Сега, кога хормоните се малку “смирени” и раните симптоми на бременост се смируваат, можете да почнете да се справувате со вашите други потреби. 

Посета на стоматолог - Ако имате било какви симптоми кои укажуваат на забна болест или болест на непцата, задолжително закажете посета на стоматолог. 

Одмарајте се и штедете ја силата - Иако се чувствувате поенергични и посилни, чувајте ја својата сила. Не се исцрпувајте и не си задавајте премногу обврски. Ви треба многу енергија за се што прави вашето тело во текот на денот додека новото мало суштество расте во него. Секогаш кога имате шанса во текот на денот, одморете се. 

Препорачуваме:

Pregnatol Active Folate + Vit B12 содржи фолати и витамин Б12 во активни форми. Наменет е за жени кои се подготвуваат и сакаат да останат бремени, како и за трудници за време на бременоста.  

Pregnatol DHA содржи природно масло од микроалги со DHA (докосахексаеноична омега-3 масна киселина) и се користи за дополнување на DHA омега-3 масна киселина кај бремени жени и доилки. 

Pregnatol Multi + Active Folate содржи 20 хранливи материи, внимателно одбрани и прилагодени на зголемените потреби за време на бременост и доење. 

Раст и развој на бебето во четвртиот месец од бременоста

Не само што е голема како праска на почетокот на четвртиот месец, кожата на бебето почнува да има нежни влакна слични на праска. Тие се нарекуваат лануго, а нивната улога е да го загреат бебето. По раѓањето, блакната ќе пападнатдне од кожата на бебето. 

Во четвртиот месец од бременоста, бебето почнува да слуша, благодарение на малите коски кои се формирале во неговите уши. Покрај тоа што го слуша вашето чукање на срцето и звукот на крвта што тече низ вашиот крвоток, слуша и пригушени звуци од надворешниот свет. 

Органите, како што се црниот дроб и слезината, почнуваат да ги извршуваат своите функции. Бубрезите ги прочистуваат нечистотиите и создаваат урина. Нозете и рацете растат, а телото на бебето станува попропорционално. Коските стануваат посилни, се развива мускулното ткиво. Се развива и чувството за вкус, а на јазикот се формираат папили кои содржат рецептори за вкус. Се формира и белодробно ткиво.

Симптоми на бременост во четвртиот месец

Влегувајќи во четвртиот месец, раните симптоми на бременост почнуваат да стануваат поблаги. Сепак, очекувајте нови симптоми.

Нелагодност, болка, грчеви - Кружните лигаменти, фиброзните ткива на ѕидовите на матката, се протегаат додека матката продолжува да се шири, додека бебето расте. Поради ова, може да почувствувате болка и грчеви во стомакот. Контактирајте со вашиот гинеколог ако сте премногу загрижени за болката што ја чувствувате.  

Силата и енергијата се враќаат - Како што симптомите на почетокот на бременоста почнуваат да се намалуваат, може да почувствувате наплив на енергија.

Констипација - За ублажување на симптомите на запек, се препорачува исхрана богата со растителни влакна, зголемен внес на течности, особено вода, што е можно повеќе пешачење и редовно вежбање..  

Зголемен апетит - Овој симптом е вообичаен, бидејќи дневните потреби за калории сега се за околу 300 калории повисоки. Доколку носите близнаци, потребите се поголеми за дури 680 калории. 

Меѓу другите пожелни и помалку пожелни симптоми, го истакнуваме следново:

  • Погуста и посјајна коса
  • Зголемено либидо
  • Крварење од носот
  • Надуеност, гасови и лошо варење
  • Отечени непца
  • Скратен здив
  • Појава на стрии.

Како се чувствувате?

Има се повеќе и повеќе енергија во вашето тело. Многу идни мајки во овој период од бременоста имаат задоволство да забележат некои убави промени - побујна коса и посветла кожа. Може да бидете благодарни на зголемениот проток на крв и хормони. 

Ако ова не ви е прва бременост, можеби веќе сте ги почувствувале движењата на бебето. Периодот во кој трудниците доживуваат „пеперутки во стомакот“, односно го чувствуваат движењето на бебето за прв пат е помеѓу 16-та и 22-та недела од бременоста. 

Препораки за четвртиот месец од бременоста

Следи период на бременоста во кој матката ќе се прошири толку многу што ќе почне да излегува од карлицата. Поради ова, трудничкиот стомак полека станува видлив. Се препорачува постојано, но постепено зголемување на телесната тежина. 

Еве ги препораките на Американскиот колеџ за акушери и гинеколози (ACOG): 

Ако имате недоволна тежина, каде што вашиот БМИ (индекс на телесна маса) е под 18,5, се препорачува да се здебелите помеѓу 12,5 и 18 килограми до крајот на бременоста. Тоа е околу 450 до 600 грама неделно во текот на вториот и третиот триместар.  

Ако имате нормална тежина, со БМИ помеѓу 18,5 и 24,9, се препорачува да се здебелите помеѓу 11 и 15 килограми до крајот на бременоста. Тоа е околу 350 до 450 грама неделно во текот на вториот и третиот триместар. 

Ако имате прекумерна тежина, каде што вашиот БМИ е помеѓу 18,5 25 и 29,9, треба да се здебелите помеѓу 6 и 11 килограми до крајот на бременоста. Тоа е околу 230 до 320 грама неделно во текот на вториот и третиот триместар. 

Ако сте дебели, каде што вашиот БМИ е 30 или повеќе, треба да се здебелите помеѓу 5 и 9 кг до крајот на бременоста. Тоа е околу 180 до 270 грама неделно во текот на вториот и третиот триместар. 

Ако носите близнаци во текот на бременоста, треба да се здебелите помеѓу 17 и 25 кг. 

Последно од блогот

Петти месец бременост

Што прави бебето во стомакот? Верувај ми, тоа сега може многу - ика, голта плодова вода, зева, клоца, удира, пробува различни потези и прави кругови. Вистински мал забавувач!

Четврти месец бременост

Повеќе енергија, подобар апетит, без гадење. Звучи добро? Сето ова ве очекува од почетокот на четвртиот месец од бременоста, односно од влегувањето во вториот триместар. Ова е и причината зошто овој период често популарно се нарекува меден месец на бременоста. 

Трети месец бременост

Третиот месец од бременоста е последниот месец од првиот триместар. За само малку ќе почнат да се смируваат хормоните кои предизвикуваат бурни симптоми на почетокот на бременоста. Претпоставуваме дека ова ве прави особено среќни кога размислувате за гадењето. Издржете уште овој месец!