Contact US

Бронхитис кај деца – симптоми и лекување

Бронхитисот кај децата многу често се јавува како честа компликација на настинка или некоја друга вирусна респираторна болест. Научете како да ги препознаете симптомите и како да ја лекувате самата болест.

Бронхитисот е воспалителна болест, воспаление на бронхиите, малите цевки кои водат од душникот до белите дробови. Во однос на текот и должината на болеста, бронхитисот се јавува како акутен и хроничен. 

Симптоми на бронхитис 

Кашлицата е најчестиот симптом на бронхитис. Тоа е придружено со висока температура, болки во грлото, слабост, болки во мускулите, тежина во градите. 

Сува кашлица обично се појавува на самиот почеток на болеста, а како што одминуваат деновите таа станува се позрела. Исто така, има се повеќе и повеќе искашлување. Многу често, кашлицата продолжува неколку недели по закрепнувањето. 

Симптоми на бронхитис: 

  • кашлање 
  • производство на секрет (слуз) во респираторниот тракт, 
  • слабост и замор, 
  • чувство на губење воздух и отежнато дишење, 
  • покачена температура и блага грозница, 
  • непријатност и тежина во градите. 

Акутен бронхитис 

Акутен бронхитис се јавува многу често кај децата кои одат во градинка или училиште секој ден. Покрај тоа, акутниот бронхитис е една од најчестите компликации на настинка или некоја друга вирусна респираторна болест, која многу лесно се пренесува меѓу децата во колективи. 

Симптомите обично траат од 7 до 10 дена. Многу често, по закрепнувањето, кашлицата продолжува неколку недели.  

Хроничен бронхитис 

Хроничниот бронхитис се јавува многу поретко. Дијагнозата се поставува само по неколку години во кои симптомите се присутни најмалку три месеци. 

Бронхитисот обично станува хроничен поради долготрајно изложување и вдишување на некои токсични материи. Тоа може да биде чад од тутун, токсични материи, загадувачи на воздухот... 

Хроничниот бронхитис е сериозен здравствен проблем, а многу често се јавува кај долгогодишни пушачи. 

Бронхитис кај деца 

Бронхитисот кај децата обично се јавува во сезоната на вирусни респираторни инфекции. Тоа е периодот на постудениот дел од годината, кој во нашиот регион ги опфаќа месеците од октомври до март, односно во текот на есента и зимата. Акутниот бронхитис обично се јавува како резултат на вирусна инфекција предизвикана од риновируси, аденовируси и параинфлуенца вирус. 

Многу често се јавуваат компликации во форма на акутен бронхитис поради неколку последователни настинки, кои се резултат на ослабен имунитет. 

Лекување на бронхитис 

Вирусни инфекции не се лекуваат со антибиотици. Се препорачува да се одморите, да го зголемите внесот на течности, да спиете на подигната глава за да го олесните искашлувањето на флегмата и да ја одржувате назалната хигиена. 

Колку долго трае бронхитисот?

Акутниот бронхитис обично трае од 7 до 10 дена. Сепак, кашлицата може да трае многу подолго, дури и неколку недели. Доколку детето долго време страда и неговата општа состојба не се подобри, се препорачува преглед и посета на педијатар за да се провери дали настанала бактериска суперинфекција. 

Зајакнување на имунитетот и бронхитис кај децата 

Посилниот имунитет ја намалува можноста за компликација на вирусна инфекција и појава на бронхитис. Затоа е важно децата да јадат здрава и квалитетна храна, да спијат доволно и да поминуваат многу време на отворено во физичка активност.

Последно од блогот

Седми месец бременост

Влегувањето во седмиот месец го означува почетокот на последниот, трет триместар од бременоста. Доколку сè уште не сте, време е да ја подготвите вашата породилна торба. За секој случај. Дознајте што да очекувате во седмиот месец од бременоста.

Шестти месец бременост

Почна последниот месец од вториот триместар од бременоста. Искористете го овој период за патување, одмор и грижа за себе. Ќе влезете во третиот триместар, па многу работи стануваат попредизвикувачки. Дознајте како бебето напредува во шестиот месец од бременоста и кои хранливи материи се важни за правилен развој на видот.

Петти месец бременост

Што прави бебето во стомакот? Верувај ми, тоа сега може многу - ика, голта плодова вода, зева, клоца, удира, пробува различни потези и прави кругови. Вистински мал забавувач!