Дали сте без здив кога одите или кога зборувате? Најтешко е кога се обидувате да ги извршите двете дејства истовремено. Притисокот врз вашите бели дробови се зголемува и дефинитивно понекогаш се чувствувате како да сте целосно без здив. Добре дојдовте во 31-та недела од бременоста. Прочитајте што може да очекувате во овој период.
Дали ги гледате вашите стапала кога стоите исправено? Ако одговорот е „не“, тоа значи дека стомакот ви го блокира погледот. Сигурно не сте изненадени. Или можеби сте?
Сите пет сетила сега се развиени кај бебето. Исто така, многу важно - бебето секој ден станува се попаметно. Во меѓувреме, може да се чувствувате малку помалку паметни или повеќе отсутни. Таканаречениот „ мозок на бременост“ не е вистинска состојба, но веројатно не можете да се сетите на кое било време во животот кога вашиот ум бил во оваа состојба. Сигурно имате огромна причина зошто е тоа така.
Фетусот сега минува низ многу важен период на развој на мозокот и нервниот систем. Исто така, забрзан развој се забележува кога зборуваме за развој на очите и видот. Тие веќе реагираат на светлина, можете ли да верувате?
А знаете ли кои хранливи материи се многу важни за развојот на мозокот и видот на бебето? Одговорот е: DHA омега-3 масни киселини!!!
DHA е важна структурна компонента на мозокот, нервните клетки и мрежницата на окото. Околу 97% од сите омега-3 масни киселини во мозокот се составени од DHA, додека во мрежницата на окото таа сочинува 93% од вкупните омега-3 масни киселини. Дури 60% од структурата на мозокот се масти, а 25% од тие масти се DHA. Како исклучително важна компонента, DHA сочинува 30% од структурните масти во сивата маса на мозокот. Најинтензивниот раст на мозокот на бебето се јавува во последниот триместар од бременоста и во првата година од животот.
Pregnatol DHA содржи DHA добиен од природно масло од морски микроалги. Тој е со висока чистота, а е добиен под строго контролирани услови на производство.
Во 31-та недела од бременоста, бебето е долго околу 41 см и тежи околу 1,5 кг. Сè оди по својот тек, не грижете се. Овој пат ја споредуваме неговата големина со големина на диња.
Ве потсетуваме! Споредувањето на големината на бебето со овошјето и зеленчукот всушност било воведено од лекарите. Оваа практика е воведена со цел да се стави големината на бебето во контекст на познати големини и на овој начин родителите полесно да го визуелизираат напредокот во растот. Интересно и генијално, нели?
Сега сте во последната недела од седмиот месец од бременоста. Секако дека сте во третиот, последен триместар од бременоста.
Освен по големина, бебето изгледа сосема исто како што ќе изгледа при раѓањето. Лануго влакната, кои ја штитат кожата на бебето од влијанието на плодовата вода, сега полека ја завршуваат својата улога и исчезнуваат. Во наредниот период, бебето ќе добива се повеќе и повеќе телесна маса, обликувајќи се во вистинско преслатко бебе.
Продолжете да спроведувате здрави животни стилови, движете се, јадете здраво. Сето ова оди директно во ваша корист и на вашето бебе. Веќе сте го виделе благодарение на 3D/4D ултразвукот. Наскоро и тоа ќе биде подготвено да ве види.
Pregnatol Multi + Active Folate содржи 20 хранливи материи во една дневна доза.
Витамините и минералите се внимателно одбрани и приспособени на зголемените потреби за време на бременост и доење.
Во 31-та недела од бременоста ги знаете речиси сите симптоми. Некои ќе се влошат, додека други ќе станат поподносливи. Еве листа на типични симптоми во 31-та недела од бременоста.
Ако бременоста беше круг на патека за трчање, сега ќе можете да ја видите целта линија во далечината. А на целта ве очекува награда - бебе! Слушајте ги советите.
Купете перничиња за гради. Дури и ако не сте забележале дека тече колострум од вашите гради, не чекајте да ве изненади некоја дамка на маицата или омилениот фустан. Можете да купите перничиња за градите во сите добро снабдени аптеки.
Истегнување. Ако знаете дека истегнувањето може да помогне при болки во грбот, но не знаете како да се истегнете, еве една едноставна вежба која можете да ја правите секаде, дури и кога не сте дома. Во стоечка положба, потпрете се на ѕидот така што стапалата ќе ви бидат на ширина на рамената. Притиснете го долниот дел од грбот на ѕидот и останете во таа положба 10 секунди. Потоа опуштете го притисокот. Повторете ја вежбата до 10 пати, доколку сметате дека ви е потребна.
Вежбајте за породување. Полека се ближи големиот ден. За да бидете подготвени кога ќе дојде тој ден, почнете да вежбате дишење, односно длабоко вдишување и издишување. Покрај тоа што ќе бидете подготвени кога ќе започне породувањето, вежбањето може да ви помогне и при отежнато дишење во овој период од бременоста.
Намалете го кафето и чајот. Сите ја сакаме нашата шолја топол пијалок. Но, имајте на ум дека кафето и чајот освен што ќе ве „тераат“ да мокрите често, можат да делуваат и како диуретици.
https://www.thebump.com/pregnancy-week-by-week/31-weeks-pregnant
https://www.whattoexpect.com/pregnancy/week-by-week/week-31.aspx
https://www.babycenter.com/pregnancy/week-by-week/31-weeks-pregnant
Последно од блогот
Ниту еден родител не сака да го види своето дете како страда, но важно е да се знае дека секое дете има потенцијал да развие алергии. Сепак, тие се почести кај децата чие семејство веќе има некој со алергија. Дознајте повеќе за алергиите кај децата.
Конечно последниот месец од бременоста! Долгиот пат е зад вас, уште само неколку недели и стигнувате до целта. Наградата што ве очекува таму е бесценета. Бидете подготвени, породувањето е се поблиску.
Иако бебето долго се подготвува за големиот ден, до породувањето има уште многу време. Во осмиот месец почнува полека да се спушта кон карлицата, односно породилниот канал. Поради ова, ќе можете малку да дишете, односно подобро да дишете, бидејќи притисокот врз белите дробови ќе се намали. Дознајте што уште ве чека во осмиот месец.
Copyright 2024 4uPharma. All Rights Reserved
Dajbog CMS, izrada sajta i SEO by Web Business Solutions
