Движењата на бебето се сè поограничени, бидејќи има се помалку простор. Иако секој ден е се посилно, просторот не му дозволува да „замавне“. Но, дефинитивно ја чувствувате неговата сила, особено кога ќе почне да турка со лактите.
Овие денови може да доживеете лажни, Брекстон Хикс контракции малку почесто. Тоа е вашата матка која вежба, се подготвува за големиот ден на породување. Ако се прашувате што точно мислиме, тоа е ритмичкото затегнување и опуштање на стомакот. Обидете се да се опуштите и/или да ја промените положбата на телото. Ако и после тоа не престанат, задолжително јавете се кај вашиот лекар.
Ако наеднаш ви се појави потреба да организирате се, знајте дека овој нагон е сосема природен и популарно го нарекуваме „вгнездување“. Сосема е оправдано дека сакате сè да биде подготвено кога ќе го донесете бебето дома, па се трудите тоа да се случи - купувате се што е потребно и го уредувате просторот на бебето, можеби премногу детално. Не се исцрпувајте и не поставувајте премногу барања од себе. Имате уште многу време.
Во 30-та недела од бременоста растот на бебето малку се забавува, но поради тоа се забрзува со собирање мускули и масни наслаги, па неговата тежина од ден на ден се зголемува. Сега е долго околу 40 см и тежи околу 1,3 кг. Можеме да го споредиме со големина на главица зелка.
Сега сте уште во седмиот месец од бременоста, што е третиот триместар. Уште само десет недели до породувањето.
Третиот триместар го вклучува седмиот месец од бременоста кој трае од 28. до 31. недела, осмиот месец од бременоста кој трае од 32. до 35. недела и деветтиот месец од бременоста кој трае од 36. до 40. недела.
Сакате да ѕирнете и да го видите бебето токму сега? Интересна идеја. Кога навистина би можеле, би виделе пресладок фетус кој речиси изгледа како вистинско новороденче. Во 30-та недела од бременоста, бебето има прилично многу влакна на главата, а очите му се ширум отворени и полека го препознава светот околу себе. Засега тоа е светот на вашата утроба, но тоа е доволно за почеток. Ноктите на бебето продолжуваат да се зајакнуваат, а тоа го усовршува фаќањето со прстите, вежбајќи со папочната врвца и стапалата.
Вашите соништа можат да станат уште почудни ако воопшто успеете да спиете. Како што напишавме претходно, несоницата е резултат на хормоните, неможноста да се најде удобна положба, но и исчекувањето и неизвесноста поврзана со породувањето. Добронамерен совет: организирајте тест возење до породилното одделение и измерете колку време ви е потребно за тоа. Можеби после тоа ќе престанете да сонувате за породување во автомобил. Постојат и други чести, но не и непознати симптоми за 30-та недела од бременоста.
Во 30-тата недела од бременоста се враќаат многу одамна заборавени симптоми на бременост. Повторно забележувате нагли промени во расположението, а има и често мокрење. Но, кога ќе размислите за фактот дека ве делат само десет недели од породувањето, вашето расположение веднаш се подигнува. Одморете колку што можете повеќе и грижете се за вашето физичко и ментално здравје.
Pregnatol Multi + Active Folate содржи 20 хранливи материи во една дневна доза.
Витамините и минералите се внимателно одбрани и приспособени на зголемените потреби за време на бременост и доење.
Za zdrav razvoj mozga i vida bebe – Pregnatol DHA
Се користи за дополнување на DHA омега-3 масните киселини, важни за здрав развој на мозокот и видот на бебето. Pregnatol DHA содржи природно масло од микроалги со DHA (докосахексаеноична омега-3 масна киселина).
Бебето најверојатно е веќе свртено со главата надолу. Иако можеби мислите дека му е непријатно и нема доволно простор, нема за што да се грижите. Тоа има уште многу простор за движење. Како што ќе минуваат деновите и неделите, така ќе се стега.
Уште десет недели! Ќе забележите како времето минува брзо и бавно во исто време. Како е можно? Ако сте во фаза на паника и страв од породување, времето брзо ќе помине, а ако сте во фаза на нетрпеливо исчекување, полека ќе помине. Така е!
Носете удобни чевли. Последниот триместар од бременоста не е одлично време да ги покажете вашите лични модни преференции. Удобноста треба да биде вашиот прв приоритет.
Бидете подготвени. Можеби ви изгледа рано да ја подготвите вашата породилна торба, но подобро е да бидете подготвени. Пакувањето торба може да биде и забавна активност која ќе ви го окупира умот некое време.
https://www.thebump.com/pregnancy-week-by-week/30-weeks-pregnant
https://www.whattoexpect.com/pregnancy/week-by-week/week-30.aspx
https://www.babycenter.com/pregnancy/week-by-week/30-weeks-pregnant
Последно од блогот
Алергијата на полен, позната и како сезонски алергиски ринитис или поленско кивање, погодува милиони луѓе ширум светот и значително влијае на квалитетот на секојдневниот живот.
Осипот на детската кожа е една од најчестите причини за загриженост на родителите, а неговиот изглед може да изгледа страшно, особено кога ќе се појави ненадејно. Сепак, повеќето исипи се безопасни и минливи, иако во одредени случаи тие може да укажуваат на посериозна состојба која бара лекарска помош.
Чешањето на телото може да биде непријатно и фрустрирачко искуство кое ги погодува луѓето од сите возрасти. Може да биде привременo и благo или хронично и интензивно, а понекогаш укажува на посериозни здравствени проблеми.
Copyright 2025 4uPharma. All Rights Reserved
Dajbog CMS, izrada sajta i SEO by Web Business Solutions
