Здраво, разиграно, среќно дете е желба и стремеж на секој родител. За детето да расте и да се развива правилно, потребно е, меѓу другото, да ги внесе сите важни витамини и минерали.
Извор на сите потребни витамини и минерали се здравите и природни намирници. Пред да се роди, бебето добива се што е потребно преку плацентата, од мајката. Затоа е многу важно трудниците да се хранат здраво и правилно, а хранливите материи што не ги внесуваат доволно да ги компензираат преку одбрани додатоци во исхраната.
Од моментот на раѓање на бебето, идеално е да го нахраните бебето со мајчино млеко. Мајчиното млеко е најдобрата и најсовршената храна за секое бебе. Содржи најдобра комбинација на витамини, протеини и масти. Неговиот состав и количина се прилагодени на потребите на бебето и постојано се менуваат како што расте бебето.
Витамини за деца – важни уште од самото раѓање
Бебињата доаѓаат на светот со слаби резерви на некои витамини, поради што се препорачува дополнително внесување од првите денови по раѓањето.
Витамин K1
Витаминот К1 поминува низ плацентата во многу мали количини, а мајчиното млеко го содржи во многу мала количина, речиси во траги. Бидејќи овој витамин природно се синтетизира во цревата од добри бактерии, потребно е време за бебето да има доволно од него.
Затоа во повеќето европски земји штом се роди бебето, додека се уште е во породилно, прима превентивна инјекција на витамин К1 во доза од 1 mg. Согласно препораките на неонатолози и педијатри, се препорачува и продолжена орална профилакса во доза од 25 mcg, од 8-ми ден од животот до крајот на 3-тиот месец.
Дознајте повеќе.
Витамин Д3
Коските и целиот скелет на бебето интензивно и изненадувачки брзо растат во првите месеци и години од животот. За да бидат цврсти и силни, потребен е витамин Д3. Тој игра важна улога во апсорпцијата на калциум и фосфор, важни минерали за градење на коските.
Иако најдобар извор на витамин Д е сонцето, бебињата не можат на тој начин да го синтетизираат во доволна количина во првата година од животот, меѓу другото и поради лошото дејство на сончевите зраци на чувствителната кожа на бебето.
Витаминот Д3 се препорачува во првата година од животот, а по една година, во есенските и зимските месеци, односно од октомври до март.
Дознајте повеќе.
Витамини за деца – важни за имунитет
Здравата исхрана, квалитетниот сон, физичката активност и престојот на свеж воздух се од клучно значење за развојот имунитетот кај детето.
Сепак, некои витамини и минерали се неопходни за здрав имунолошки систем. Тоа се витамин Д, цинк и витамин Ц.
Витамин Д
Освен за растот и развојот на коските и забите, витаминот Д придонесува и за нормална функција на имунолошкиот систем кај децата.
Дознајте повеќе.
Цинк
Од минералот цинк зависат бројни функции во организмот, бидејќи тој учествува во многу важни процеси.
Цинкот игра улога во клеточната делба, придонесува за нормална функција на имунолошкиот систем, одржување на нормални коски, нормална когнитивна функција, нормален киселинско-базен метаболизам. Друга од неговите улоги е заштитата на клетките од оксидативен стрес. Тој исто така игра улога во нормалната синтеза на ДНК, синтезата на протеини, метаболизмот на макронутриенти, јаглени хидрати, масни киселини и витамин А. Покрај тоа, цинкот исто така учествува во одржување на нормална коса, кожа и нокти и нормален вид.
Дознајте повеќе.
Витамин Ц
Познато е дека витаминот Ц придонесува за нормална функција на имунолошкиот систем. Покрај тоа, овој популарен витамин придонесува за одржување на нормален енергетски метаболизам и намалување на заморот и исцрпеноста и ги штити клетките од оксидативен стрес.
Препорачуваме додатоци во исхраната кои содржат витамин Ц од природни извори, како што се баобаб, ацерола, шипка и црн бозел.
Дознајте повеќе.
