Првите две недели, од првиот месец од бременоста се всушност време кога сè уште не сте бремени. Дознајте зошто е тоа така и што се случува во вашето тело во првиот месец од бременоста.
На почетокот на секој нов менструален циклус, жената има шанса да остане бремена. Првите две недели од циклусот ќе се бројат како првите две недели од бременоста доколку забремените. Тоа е време кога телото на жената претрпува промени поврзани со подготовката за самата бременост.
Кога започнува првиот месец од бременоста?
Првиот месец од бременоста, според календарот за пресметување на бременоста, започнува на првиот ден од менструалниот циклус, односно од почетокот на менструацијата.
Значи, првиот ден има крварење, менструација. Во овој период, хормонот естроген почнува да расте. Под влијание на различни хормони, еден фоликул, најголем по големина, кој содржи зрела јајце клетка, полека почнува да се одвојува.
Ако се ослободат два фоликули и се оплодуваат двете јајце клетки, доаѓа до близначка бременост.
Прв месец бременост – Овулација и оплодување
Во периодот помеѓу 13 и 15 ден од циклусот, јајце клетката е подготвена за оплодување. Тој период се нарекува овулација. За тоа време, јајце клетката од јајниците се движи низ јајцеводите. На својот пат, таа може да сретне бројни сперматозоиди. Ако дојде до оплодување, само еден сперматозоид ќе ја оплоди јајце клетката.
Во тој момент, кога сперматозоидот ќе стигне до јајце клетката, неговото јадро се спојува со јадрото на јајце клетката.
Во зависност од тоа дали сперматозоидот носи Y или X хромозом, бебето ќе биде момче или девојче. За време на оплодувањето, генетскиот материјал на споените клетки се комбинира, а голем дел од него е веќе одреден во тој ран момент од бременоста, на пр. кожа, коса, боја на очи, генетски потенцијал за висина…
Прв месец бременост – раст и развој на ембрионот
На самиот почеток на бременоста, ембрионот се нарекува зигот. Во текот на првиот месец се случува многу забрзана клеточна делба, додека зиготот стигнува до својата дестинација - матката - преку јајцеводите. Повеќеклеточната формација што сега ја формира зиготот има топчеста форма и се нарекува бластоциста. Потоа, тука е формирањето на фетусот и плацентата.
Во првиот месец од бременоста, ембрионот расте до големина на чиа семе. Иако е многу мал, во оваа најрана фаза на развој, фетусот поминува низ турбулентни, големи и значајни фази на развој. Ембрионот сега се состои од два слоја, кои ја формираат основата за развој на сите органи.
Првиот месец од бременоста е време кога почнува да се развива кардиоваскуларниот систем, кој понатаму ќе биде одговорен за пренос на хранливи материи и кислород.
Плацентата сè уште не е целосно формирана, па ембрионот се храни со помош на жолчката.
Препораки и совети за првиот месец од бременоста
Многу раниот период на бременост е многу важен за развојот на фетусот. Затоа, трудницата веднаш треба да почне да следи здрав начин на живот, пред се здрава исхрана.
Здрава храна и хранливи материи – За време на бременоста важно е трудницата да ги консумира сите потребни хранливи материи. На самиот почеток фолатите се многу важни, токму поради почетоците на формирање и развој на ембрионот. Фолатите можат да се внесуваат по пат на исхрана, но исхраната е скоро секогаш недоволен начин за задоволување на целосните потреби на трудницата за овој важен витамин.
Всушност, фолатите играат голема улога во процесите што се случуваат при формирањето и затворањето на невралната туба. Ниските нивоа на фолати кај мајката се фактор на ризик за дефекти на невралната туба кај фетусот. Исто така, фолатот со витаминот Б12 игра улога во клеточната делба, психолошката функција, нормалниот метаболизам на хомоцистеин, намалувањето на заморот и исцрпеноста и нормалната функција на имунолошкиот систем.
Pregnatol Active Folat + Vit B12 содржи фолат и витамин Б12 во две неопходни форми кои се целосно искористени од телото.
Дознајте повеќе за важноста на фолатите во бременост.
Дознајте повеќе за важноста на DHA омега-3 масните киселини во бременоста.
Избегнувајте се што може да биде токсично за бебето - Токсините лесно стигнуваат до бебето преку крвотокот на мајката. Затоа мајката треба да избегнува се што може да му наштети на здравиот и правилен раст и развој на бебето - цигари, алкохол, хемиски испарувања, загаден воздух...
