Contact US

Најдобар пробиотик за деца

Првите неколку години од развојот на детето се клучни за развој на здрава цревна микрофлора (микробиота). Додатоци и храна која содржи пробиотици, односно добри бактерии, се исклучително важни за развојот на микробиотата.

Најдобар пробиотик за деца - кој е најдобриот пробиотик за деца?

Lactobacillus acidophilus и Bifidobacterium lactis се бактерии од млечна киселина чија употреба најчесто се препорачува за деца. Причината за тоа е што тие се природни жители на цревниот тракт на детето, но и најдобро тестираните пробиотски бактерии. Добро е овие пробиотици да се користат во комбинација со пребиотик.

Што се пробиотици и што прават тие?

Пробиотиците се живи бактерии, инаку природни жители на цревниот тракт. Кога се консумираат во соодветна количина, се важни за зачувување на здравјето на органите за варење, а со тоа и на целиот организам.

Пробиотиците може да се најдат во храната која содржи ферментирани култури, како што се јогуртот или кефирот, но и во суплементите. Постојат две најголеми групи на пробиотици: lactobacillus и bifidobacterium.

Поради нивната важност за микрофлората, пробиотиците често се препорачуваат за деца кои немаат урамнотежена исхрана или оние кои често се лекуваат со антибиотици.

Зошто пробиотиците се важни во раниот детски развој?

Општо земено, човечките суштества се раѓаат со развиени сите витални органи неопходни за опстанок. За разлика од црниот дроб и бубрезите, детето не се раѓа со микрофлора, иако тоа е исто така неопходно за преживување. Интензивен развој на цревната флора се одвива во првите неколку години од животот.

Колонизацијата, односно населувањето на цревата со микроби, започнува веднаш по раѓањето на бебето, а веќе околу тригодишна возраст, неговата микробиота почнува да наликува на микробиотата на возрасните.

Се верува дека најмасовната микробна колонизација всушност се случува за време на самото раѓање и во краток период по него, кога бебињата доаѓаат во контакт со микробиотата на нивната мајка и непосредната околина.

Бебињата родени со царски рез се лишени од контакт со мајчините бактерии, природните жители на породилниот канал. Затоа, тие остануваат лишени од природен трансфер на микроби.

Покрај породувањето со царски рез, факторите кои имаат влијание врз несоодветниот развој на микробиотата (дисбиоза) вклучуваат предвремено породување, хранење со млечна формула без пробиотици и рана изложеност на антибиотици.

Последно од блогот

Петти месец бременост

Што прави бебето во стомакот? Верувај ми, тоа сега може многу - ика, голта плодова вода, зева, клоца, удира, пробува различни потези и прави кругови. Вистински мал забавувач!

Четврти месец бременост

Повеќе енергија, подобар апетит, без гадење. Звучи добро? Сето ова ве очекува од почетокот на четвртиот месец од бременоста, односно од влегувањето во вториот триместар. Ова е и причината зошто овој период често популарно се нарекува меден месец на бременоста. 

Трети месец бременост

Третиот месец од бременоста е последниот месец од првиот триместар. За само малку ќе почнат да се смируваат хормоните кои предизвикуваат бурни симптоми на почетокот на бременоста. Претпоставуваме дека ова ве прави особено среќни кога размислувате за гадењето. Издржете уште овој месец!