Губењето на сетилото за мирис најчесто се јавува како минливо нарушување поради некоја вирусна респираторна инфекција или алергија. Дознајте кои други причини можат да бидат и како да ја намалите можноста за нејзино појавување.
Делумно или целосно губење на сетилото за мирис се нарекува аносмија. Тоа може да биде привремено или трајно. Се јавува како последица на болест, повреда или генетска состојба.
Здравствените состојби и болестите кои предизвикуваат иритација на носната слузница се најчестите причини за губење на сетилото за мирис. Тоа се најчесто настинки, грип, како и сите други вирусни респираторни инфекции,но и алергии, односно алергиски ринитис.
Посериозните медицински состојби кои влијаат на нервите или мозокот, како што се тумори или повреди на главата, може да предизвикаат трајно губење на сетилото за мирис. Понекогаш тоа е самата старост што предизвикува аносмија.
Губењето на сетилото за мирис не е опасно
Самата по себе, аносмијата не е опасна, но може да има огромно влијание врз квалитетот на животот на поединецот. Губењето на сетилото за мирис делумно влијае и на сетилото за вкус, што може да доведе до незаинтересираност за храна и губење на телесната тежина. Исто така, неможноста да уживате во храната може да предизвика депресија кај некои луѓе.
Што предизвикува губење на сетилото за мирис?
Губењето на сетилото за мирис најчесто се јавува поради иритација на носната слузница. Иритацијата се јавува поради:
- синусни инфекции,
- настинки,
- пушење,
- грип,
- алергија (алергиски ринитис),
- хронично затнат нос.
Настинка или друга вирусна респираторна инфекција е најчеста причина за губење мирис. Во овие случаи, аносмијата е минлива.
Дали губењето на сетилото за мирис е ран симптом на COVID-19
Како што веќе наведовме, многу често се случува респираторните инфекции на горниот респираторен тракт да предизвикаат губење на сетилото за мирис, но и на вкусот. Се проценува дека привремено губење на сетилото за мирис се јавува кај дури 60% од случаите на настинки и инфекции на синусите.
Сетилото за мирис и сетилото за вкус се тесно поврзани. Губењето на сетилото за мирис може да има големо влијание врз губењето на сетилото за вкус и тоа се случува во околу 95% од случаите.
Губење на сетилото за мирис се јавува ненадејно кај луѓето кои страдаат од КОВИД-19. Исто така, во овој случај, симптомот се јавува иако немало затнат нос или течење на носот. Според најновите извештаи, губењето на сетилото за мирис се јавува многу често пред какви било други симптоми и затоа се смета за ран симптом на COVID -19.
Поточно, губењето на сетилото за мирис може да биде и показател за поблаг случај на COVID -19.
Колку долго трае губењето на сетилото за мирис кај вирусни инфекции?
Губењето на сетилото за мирис поради настинка обично трае од 3 до 7 дена. Во споредба со другите вирусни инфекции на горниот респираторен тракт,кај COVID-19 овој симптом трае малку подолго, во просек од 8 до 9 дена.
https://www.ncbi.nlm.nih.gov/pmc/articles/PMC7397453/
https://pubmed.ncbi.nlm.nih.gov/32762282/
https://pubmed.ncbi.nlm.nih.gov/32329222/
https://www.ncbi.nlm.nih.gov/pmc/articles/PMC7397453/
