Сакате бебе? Што е важно да знаете за фолната киселина?

Фолната киселина спаѓа во групата на витамини од Б комплексот, познати и како фолати. Дознајте зошто е важна кога се обидувате да забремените.

Фолната киселина е всушност хемиската форма на витаминот Б9 и како таква се наоѓа во суплементите и збогатената храна. Природните форми на витамин Б9 се фолати и тие се наоѓаат во храната - зелен лиснат зеленчук и овошје. Иако е неопходна за сите, фолната киселина е особено важна во периодот на подготовка за бременост, но и во текот на самата бременост. 

Како витамин растворлив во вода, Б9 не се складира во организмот, па затоа е неопходно да се добива преку храна и суплементи. 

Фолна киселина – важна за бебето и пред неговото зачнување 

Како што покажа истражувањето, ниските нивоа на фолати може да бидат фактор на ризик за развој на спина бифида - дефекти на невралната туба за време на раниот ембрионски развој. Фолната киселина е неопходна за нормален развој на невралната туба која подоцна прераснува во мозокот и 'рбетниот мозок. 

Дефектот на невралната туба се јавува на самиот почеток на бременоста, во период кога повеќето трудници сè уште не знаат дека се бремени. Затоа, многу е важно нивото на фолати да биде оптимално при влегување во бременост, но и во периодот на подготовка за бременост. 

До кога се пие фолна киселина? 

Покрај тоа што е многу важна во периодот на подготовка за зачнување, фолната киселина е многу корисна и за време на бременоста. 

Врз основа на препораките на Европската агенција за безбедност на храната (EFSA), се препорачува внесување на 600 μg фолати дневно за време на бременоста. 

Која фолна киселина е најдобра? Разлика помеѓу фолатите и фолната киселина 

Фолната киселина и фолатите се исти активни супстанции, со тоа што фолната киселина се синтетизира хемиски. Фолатите се соли на фолна киселина и во таа форма природно се наоѓаат во храната. 

Фолната киселина, како хемиска, синтетичка форма, помалку се апсорбира и се користи во организмот, а некои жени воопшто не можат да ја користат! Потврдено е дека 30 - 50% од жените (во зависност од државата) воопшто не ја активираат и користат фолната киселина во организмот, бидејќи го немаат ензимот што ја активира. Целата внесена фолна киселина останува слободно да циркулира во крвта, потенцијално предизвикувајќи несакани ефекти и за мајката и за бебето. 

Природниот, активен фолат е веќе активен, не му треба ензим и целосно се користи од телото. 

Затоа, најдобро е да се примени формата на фолна киселина во која природно се наоѓа во храната, односно активниот фолат. 

 

*https://www.nature.com/articles/ejcn201594