Се прашувате дали можеби сте бремени? Не сте сигурни за знаците што ви ги испраќа вашето тело? Дознајте кои се првите знаци на бременост.
Секоја жена е различна. Исто и нивното искуство за време на бременоста. Не сите жени ги имаат истите симптоми, ниту пак првите знаци на бременост. Многу жени дури имаат различни симптоми од една бременост до друга.
Исто така, многу често се случува раните знаци на бременост да се помешаат со симптомите на ПМС (предменструален синдром), па дури и да не разбираат за што всушност се работи.
Симптоми на зачнување
Симптомите кои укажуваат дека дошло до зачнување се следниве:
- Имплантационо крварење
- Промени во градите
- Замор и поспаност
- Утринска мачнина
- Отсуство на менструација
Зошто е важно навремено да ги воочите знаците на бременост?
За да останете здрави за време на бременоста и вашето бебе да има најдобар раст и развој се препорачува здрава исхрана и внес на неопходните нутритиенти. Некои хранливи материи се особено важни, а понекогаш е тешко да се обезбеди нивниот внес по пат на исхрана.
За здрав раст и развој на плодот, но и за здравје на трудницата особено се важни фолатите. Дополнителен внес на фолати се препорачува и во периодот на планирање на бременоста, најмалку 4 недели пред зачнувањето.
Дознајте повеќе за важноста на фолатите во бременоста.
Дознајте повеќе за важноста на DHA омега-3 масните киселини во бременост.
Имплантациско крварење
Првите знаци на бременост обично се појавуваат во моментот на имплантација - всадување на оплодената јајце клетка во ѕидот на матката. Еден од нив е имплантационото крварење. Сепак, не сите трудници го забележуваат овој симптом, туку само околу 30% од нив.
Ова крварење може да биде со различен интензитет и да трае од неколку часа до три дена. Бојата на имплантационото крварење е обично светло розева или кафеава.
Промена на градите
Сè што се случува во телото на жената и вклучува промени во нивото на хормоните, најчесто ќе се манифестира со промени во градите.
Во моментот кога се појавуваат првите знаци на бременост, градите стануваат почувствителни и отечени. Иако оваа промена се јавува и пред менструалниот циклус, можете да ја разликувате. Имено, болката поради оток како знак на бременост е поизразена од онаа што се јавува кај ПМС.
Поради влијанието на хормоните, можете да очекувате и проширување и потемнување на ареолите околу брадавиците.
Замор и поспаност
Дали сте одеднаш многу уморни и се чувствувате како да можете да дремете одвреме-навреме? Првите знаци на бременост се појавуваат, меѓу другото, затоа што телото троши многу повеќе енергија од вообичаено, формирајќи ја плацентата. Затоа, меѓу другото, се јавува и замор и поспаност.
Исто така, се зголемува нивото на прогестеронскиот хормон, па телото се навикнува на настанатата состојба, а како одговор на тоа се појавува замор и поспаност.
Утринска мачнина
Еден од првите, но не и неизоставен симптом, е утринската мачнина. Иако се нарекува утринска мачнина, таа може да се појави во секое време од денот. Гадење е често придружено со повраќање. Најчесто се јавува кога желудникот е целосно празен.
Изостанување на менструацијата
Менструацијата изостанува четири недели по зачнувањето. Ако имате циклус кој не е многу редовен, можеби нема да забележите дека менструацијата е пропуштена.
Кои се уште првите знаци на бременост?
Бременоста доведува до различни промени кои настануваат поради промени во рамнотежата на хормоните.
Затоа се појавуваат следните први знаци на бременост:
- Често мокрење - кај многу жени се јавува четири до шест недели по зачнувањето.
- Запек – зголемувањето на нивото на хормонот прогестерон може да го забави варењето на храната и со тоа да предизвика запек. За да спречите запек, зголемете го внесот на течности, вежбајте и јадете храна богата со растителни влакна.
- Промени во расположението. Како и другите први знаци на бременост, така и овој се јавува поради хормоналните промени во телото. Промените на расположението се карактеристични за првиот триместар од бременоста.
- Главоболка и болки во грбот. Некои трудници пријавуваат главоболки и болки во грбот како симптоми на бременост.
- Вртоглавица и несвестица. Доколку се појават, најчесто се поврзани со крвниот притисок и нивото на шеќер во крвта.
Додека некои трудници ги доживуваат сите знаци на бременост, други чувствуваат само еден или два. Ако некој од горенаведените симптоми стане неподнослив за вас, задолжително кажете му на вашиот лекар.
Твое време – дознајте повеќе
За успешна подготовка и здрава бременост – Pregnatol Active Folate + Vit B12
За здрав развој на мозокот и видот на бебето – Pregnatol DHA
