Што да правиме кога ќе се појави вирусна инфекција, а што да избегнуваме? На прес-конференцијата на фармацевтската компанија 4U pharma, одржана во хотелот Кристал, одговори и важни насоки дадоа еминентни експерти. Дознајте во текстот.
Важни пораки од учесниците на конференцијата
Има еден момент кога „разбираме“ дека детето се разболело. Тоа е оној типичен момент „пред и потоа“ во кој сè застанува, во кој ученото се заборава и ирационалното победува.
Со малку страв и многу љубов, тоа е моментот кога ги правиме најлошите грешки со најдобра намера. Сепак, нема причина за паника, бидејќи природата има решение.
За решенија, но и за други важни теми и сомнежи поврзани со вирусите зборуваа: проф. д-р Милица Бајчетиќ, клинички фармаколог и дописник на СЗО; д-р Горан Вукомановиќ, педијатар и кардиолог и д-р Невенка Ракетиќ, педијатар и имунолог.
Правилниот третман на вирусот е многу важен и кога се во прашање возрасните, а особено кога се во прашање децата. Затоа се зборуваше за тоа кои се најчестите грешки и зошто се случуваат.
„Како што корона вирусот слабее, сите други вируси експлодираат. Вирусите што се појавија во октомври или ноември почнаа да работат веќе на крајот на август. Родителите често самоиницијативно посегнуваат по лекови, а не знаат дека на добрите бактерии во цревата им требаат две години за да закрепнат од употребата на антибиотици за само 7 дена. Нерационалната употреба на антибиотици доведува до зачестени заболувања од алергии, дебелина, метаболички и разни други болести. Антибиотиците треба да се земаат само по препорака на лекар, бидејќи е важно да се знае дека антибиотиците го ослабуваат нашиот имунитет доколку се користат за вирусни инфекции. Антибиотиците не лекуваат вирусни инфекции! Токму за вирусни инфекции постои решение со билни екстракти. Врз основа на бројни клинички докази, фитотерапијата влезе во водичите на најголемите светски и европски асоцијации. Тоа е одлична и комплементарна терапија на стандардната медицина“. - истакна д-р Горан Вукомановиќ, еден од учесниците на конференцијата.
Д-р Вукомановиќ истакна: „Да не брзаме да употребуваме антибиотици“! “Wait & see” пристапот е клинички докажана стратегија за рационална употреба на антибиотици при респираторни инфекции. Овој пристап ја одложува примената на антибиотици за 48-72 часа, со цел правилно да се дијагностицира инфекцијата.
Преку 11 клинички студии, докажано е дека одложената примена на антибиотици кај респираторните инфекции всушност помага при природно зајакнување на организмот и дека одложеното препишување на антибиотици резултирало со 3 пати помала стапка на употреба кај пациенти со одложена примена во споредба со непосредното назначување на антибиотици (31% наспроти 93%).“
Проф. Д-р Милица Бајчетиќ истакна дека состојбата со нерационалното применување на антибиотици во Србија е променета во однос на пред и по пандемијата Ковид-19. Според неа, во периодот од пет години до 2019 година е постигнат голем позитивен напредок, кој сега е загрозен за време на пандемијата поради олеснување на мерките за издавање антибиотици без рецепти.
„Преваленцата на препишаните антибиотици со потврден „Ковид-19“ беше 74,6%, а бактериските инфекции беше 8%. Во националниот водич за рационална употреба на антибиотици, за специфични дијагнози предизвикани од вирус, јасно и недвосмислено е наведено дека терапијата не вклучува употреба на антибиотици. Вирусни инфекции не се лекуваат со антибиотици. Антибиотиците го зголемуваат ризикот од дисбиоза и имаат долгорочен ефект врз имунолошкиот систем. Отпорноста на антибиотиците секојдневно ни се заканува во нашите здравствени установи како „тивка пандемија“, нагласи проф. Бајчетиќ.
