Babytol D3+K1 и Babytol DHA се препорачуваат од 8-миот ден по раѓањето, па сè до наполнети 3 месеци. Од 4-тиот месец се продолжува со примена на Babytol D3+DHA Omega, сè до наполнети 3 години.

Во првите три години од животот детето минува низ исклучително брз раст и развој на мозокот, коските и имунолошкиот систем. Витаминот D3 е клучен за здраво формирање на коските и забите, како и за нормално функционирање на имунитетот, додека DHA, омега-3 масна киселина, е важна за развојот на мозокот, видот и нервниот систем. Бидејќи природните резерви во овој период брзо се трошат, а внесот преку исхраната често не е доволен, редовната примена на D3 и DHA обезбедува стабилна и оптимална поддршка за здрав раст и развој на детето.

Иако често се вели дека „порано не се користеше DHA и ништо не ни фалеше“, денес знаеме многу повеќе за важноста на раниот развој на мозокот и видот. Науката напредува, и наша одговорност е да се усогласиме со новите сознанија. Постарите генерации можеби не знаеле дека рибиното масло содржи важни омега-3 масни киселини (DHA и EPA), но знаеле дека е здраво и редовно им го давале на децата.

Во тоа време не постоеле стандардизирани, проверени и прецизно дозирани препарати со позната концентрација на DHA. Денес знаеме дека маслото од микрoалги е најбезбедниот и најчист извор на DHA, погоден за употреба кај бебиња уште од првиот ден од животот, што ни овозможува на безбеден начин да обезбедиме нешто што е докажано како клучно за оптимален развој.

Грчевите се вообичаена и привремена појава кај бебињата. Најчесто започнуваат околу 2 недели по раѓањето, а најинтензивни се помеѓу 3. и 6. недела. Обично спонтано исчезнуваат до крајот на 3. месец.
Грчевите се многу чести и се јавуваат кај речиси секое трето бебе. Точната причина не е целосно утврдена, но најчестите фактори што придонесуваат се:

• неразвиен дигестивен систем
• воздух и гасови во цревата
• потешкотии во варењето на лактозата од млекото
• начинот на хранење и техниките на доење
• развојот на цревата и последична надуеност
• стрес и фактори од околината

Грчевите не се нешто ново, постоеле и многу пред појавата на Babytol. Обично се безопасни и минливи, но можат да бидат непријатни и за бебето и за родителите. Често временски се поклопуваат со почетокот на суплементацијата со витамин D, K1 или DHA, што може да создаде впечаток дека постои поврзаност. Важно е грчевите да не ве наведат да прекинете со доење или со препорачаната суплементација, бидејќи на тој начин обезбедувате редовен внес на неопходни хранливи материи за правилен развој на вашето бебе.

Едноставно свртете, повлечете и отстранете го горниот дел на капсулата, а потоа истиснете ја содржината директно во устата на бебето.